1)

नेपालका लागि अमेरिकी कार्यबाहक राजदुत डोनाल्ड क्याम्पले भुटानी शरणार्थीको पुर्नवासले उनीहरुले सुखद जीवनको शुरुवात गर्न पाएको बताउनु भएको छ ।

नेपालमा एकलाख भन्दा धेरै शरणार्थीलाई दुइ दशकदेखि गरिएको सहयोग र देखाईएको सद्भाव विश्वमै नमुना भएको बताउँदै उहाँले अमेरिकाले भुटानी शरणार्थी र नेपालीलाई गर्ने सहयोगमा कुनै कमी नहुने स्पष्ट गर्नु भयो ।
झापाको दमक ११ मा अमेरिकी राजदुतावासको सहयोगमा निर्मित सडक उद्घाटन गर्न आउनु भएका राजदुत क्याम्पले पुनर्वासकालगि उपलब्ध सहयोग जारी रहने बताउनु भयो /

२)
स्वदेश फिर्ती पक्षधर भुटानी शरणार्थीले आफ्नो मुद्धा अन्तराष्ट्रिय अदालतमा लगेर घर फिर्न पाउने अधिकारको रक्षा गर्न संयुक्त राष्ट्र संघ समक्ष आग्रह गरेका छन् ।
स्वदेश फिर्ती पक्षधर भुटानी बृद्धहरुको समूहले मंगलवार संयुक्त राष्ट्र संघको जेनेभा स्थित कार्यालयमा अपिल पर्ठाई यस्तो आग्रह गरेका हुन् ।
शरणार्थी जीवनबाट विरक्तीएका र घर फिर्न चाहने शरणार्थीलाई आफ्नै थातथलोमा फर्काउन भुटानले आलटाल गरेकोले हज्जारौं स्वदेश फिर्ती पक्षधरको मानव अधिकारको रक्षा गर्नपनि यो मुद्धा अन्तराष्ट्रिय अदालतमा लगिनु पर्ने उनीहरुको माग छ ।
शरणार्थीले पठाएको अपिलमा नेपाल र भुटान सरकारको संयुक्त प्रमाणीकरणबाट खाटी भुटानीमा परेकाहरुलाई स्वदेश फर्काइने भन्ने आश्वासन पाएपनि त्यो समेत पुरा नहुदाँ भुटानको चरित्र र्छलङ भएको उल्लेख छ ।
भुटान पनि राष्ट्र संघको सदस्य भएकोले उस्लाई आफ्ना नागरिक फर्काउन राष्ट्र संघले दबाव दिन पर्ने अपिलमा उल्लेख छ । शरणार्थीले पठाएको छ बुँदे माग उल्लेख भएको अपिलमा भारतलाई समेत यो मुद्धा अन्तराष्ट्रिय अदालतमा उठाउन नेपाललाई सहयोग गर्न आग्रह गरिएको छ ।
शरणार्थीले आफ्नै मुलुक र माटोमा र्फकन पाउनु पर्ने अधिकारको रक्षा गर्न उचित वातावरण बनाउनु पर्ने शरणार्थीको माग छ । अपिलमा स्वदेश फिर्ती अभियानका संयोजक हर्कजंग सुब्बा, सहसंयोजक सन्तविर घले सहित ९८ जनाले हस्ताक्षर गरेका छन् ।
यस अघि शरणार्थी बृद्धहरुकै पहलमा झापा र मोरङका सात वटै शिविरका तीस हजार भन्दा धेरै शरणार्थीले स्वदेश फिर्तीको माग गर्दै फाराम भरेका थिए । शरणार्थीको पुनर्वास शुरु भएपछि अठाइस हजार भुटानी शरणार्थी तेस्रो देश पुगेका छन् । पुनर्वासको लागि असी हजार भुटानी शरणार्थीले आवेदन दिएका छन् । पुनर्वासको लहरसँगै भुटानी शरणार्थीको स्वदेश फिर्तीको अभियान ओझेलमा परेको छ ।
स्वदेश फिर्तीमा दबाव सृजना गर्न पछिल्लो पटक भुटानी शरणार्थीले लङ मार्च अभियान चलाएका थिए । स्वेच्छिक स्वदेश फिर्तीको त्यो कार्यक्रम भारतीय सुरक्षाकर्मीले मेची पुलमा रोकेपछि तुहिएको थियो । त्यसपछि स्वदेश फिर्तीका अभियान हुन सकेका छैनन् ।

३
आज भुटानी शरणार्थी शिविर वेलडाँगी एक मा अल आर्टिष्ट अफ भुटान नामक साँगितिक संस्थाद्वारा एक साँगितिक कार्यक्रम गरियो । सातै शिविरबाट आएका कलाकारहरुको सहभागितामा उक्त कार्यक्रम सम्पन्न गरिएको थियो । कार्यक्रममा भुटानी शरणार्थीहरुद्वारा निर्मित नेपाली कथानक चलचित्र रहस्य आफ्नोपनका गितहरु रिलिजसमेत गरिएको कुरा बेलडाँगी शिविरका हाम्रा सहयोगी लोक बहादुर महराले जानकारी गराएका छन्

शरणार्थी सेरोफेरो

१
सहायता संस्था कारितासले दमकमा आयोजना गरेको एक कार्यक्रमका वक्ताहरुले अपाङ्गता भएका शरणार्थीलाई कुनै पनि अवसरबाट वञ्चित गर्न नहुनेमा जोड दिए ।
सातवटै शिविर ब्यवस्थापन समितिका पदाधिकारी सम्मिलित अपाङ्गता सम्बन्धि जनचेतनामूलक गोष्ठीका वक्ताले सो कुरामा जोड दिएका हुन् ।
गोष्ठीमा शिविरका सचिव, उपसचिव, जेण्डर फोकल प्वाईन्ट लगायतका प्रतिनिधि समेत गरि ४८ सहभागी थिए ।
यसैबिच कारितासले यस किसिमका गोष्ठी शरणार्थी शिविरका बिभिन्न तहका ३ सय प्रतिनिधिका लागि आउँदो एक साताभित्रमा सञ्चालन गर्ने जनाएको छ ।
झापा र मोरङका सात शरणार्थी शिविरमा ३ हजार ९२ जना अपाङ्गता भएका शरणार्थी छन् ।

२
शरणार्थीको रुपमा दर्ता नभएका भुटानीका छोराछोरी शिविरमा शिक्षाको अवसरबाट वञ्चित भएको पाईएको छ ।
पुर्वोत्तर झापाको खुदुनावारी शिविरमा कम्तीमा २ सय त्यस्ता शरणार्थीको पहिचान नपाएका बालबालिका पढ्ने अवसरबाट वञ्चित भएको शिविर सचिव भानु ढुङ्गानाले बताउनु भएको छ ।
भुटानी शरणार्थीको शैक्षिक सहायतामा संलग्न संस्था कारितासले भने राष्ट्रसंघिय शरणार्थी आयोगको सिफारिसमा त्यस्ता बालबालिकालाई बिद्यालयमा भर्ना लिईने बताएको छ ।
झापा र मोरङका सातैवटा शिविरमा दर्ताको लागि निवेदन दिएका १ हजार ५ सय शरणार्थी नौ महिनादेखि शरणार्थी पहिचानको प्रतिक्षामा छन् ।
त्यस्ता भुटानी सहायता बिना नै शिबिरहरुमा बसिरहेका छन्/

३
दमकको बेलडाँगीका ३ भुटानी शरणार्थी शिविरका ३ हजार शरणार्थीले स्वदेश फिर्ती फारम भरेको शरणार्थी शिविरका १ जना बरिष्ठ सदस्यले बताएका छन् ।
भुटानी शरणार्थी जेष्ठ नागरिक समूहका संयोजक हर्कजंग लिम्बुले अघिल्लो सोमबार शुरु त्यस्तो घर फिर्ती फारम भराउ अभियानमा सामेल हुने शरणार्थीको लाम उल्लेख्य रहेको पनि बताउनु भएको छ ।
शरणार्थी स्वदेश फिर्ती कार्यक्रम परिषद्, भुटानी जेष्ठ नागरिक समुह, भुटान गोर्खा राष्ट्रिय मुक्ति मोर्चा र अधिकारवादी संगठन हय्युरोवले संयुक्त रुपमा शरणार्थी घर फिर्तीको दिगो उदेश्यका साथ शरणार्थीको भुटान स्थित जायजेथा र परिवारको पूर्ण विवरण खुल्ने फारम भराउन थालेका हुन ।
यो फारम भराउ अभियान केहि दिनभित्रै अरु ४ शरणार्थी शिविरमा पनि चालु गरिने शरणार्थी स्वदेश फिर्ती कार्यक्रम परिषद्का डि आर घोर्सनेले बताउनु भएको छ ।
कम्तिमा २ महिनासम्म चल्ने यो फारम भर्ने अभियानले शरणार्थी स्वदेश फिर्तीको पक्षमा अन्तराष्ट्रिय जनमत सृजना गर्ने साथै आफ्ना नागरिकको सम्मानजनक घर फिर्तीका लागि तयार हुन भुटानमाथि दवाव बढ्ने अपेक्षा पनि गरिएको छ /

सुन्दरता, सुरक्षा र स्टाइल सनग्लास

ज.हाँ आँखाको सुन्दरता कायम राख्नु र बढाउनु आवश्यक छ त्यहीँ यसको सुरक्षा एवं उचित रेखदेख पनि आवश्यक छ । आँखाको सुरक्षाका दृष्टिले घाममा लगाइने चस्मा अर्थात् सनग्लासको प्रयोग लामो समयदेखि हुँदै आएको छ । धेरैजसो व्यक्ति घाम, धूवाँ, धूलोबाट आँखालाई सुरक्षा प्रदान गर्न सनग्लास प्रयोग गर्छन् । धेरैजसोले भने फेसनेबल एवं स्टाइलिस लुकका लागि पनि सनग्लासको प्रयोग गर्न रुचाएको पाइन्छ । समग्रमा सूर्यको अल्ट्रा भ्वाइलेट किरण, धूवाँ, धूलो आदिबाट आँखाको सुरक्षा, व्यक्तित्वको सुन्दरता र स्टाइलिस लुक सबै दृष्टिकोणबाट सनग्लासको प्रयोग अनिवार्य देखिन्छ । अतः सनग्लास प्रायः सबैको स्टाइल स्टेट्मेन्टको अभिन्न अंग बन्न पुगेको छ ।

कस्तो हुनुपर्छ सनग्लास ?

कुनै पनि प्रकारको सनग्लासमा दुईवटा कुरा महत्त्वपूर्ण हुन्छन्, प|ेम र लेन्स ।

प|ेम ः हिजोआज बजारमा विभिन्न प्रकारका प|ेम उपलब्ध छन् । जस्तै-प्लास्टिक प|ेम, धातुका प|ेम, रमिलेस गोल्ड प|ेम । प|ेम छनौट गर्दा त्यसको आकार, आकृति, रंग र धातुलाई राम्रोसँग नियाल्नु र परीक्षण गर्नुपर्छ । मुहारको आकृति र व्यक्तित्वअनुसार चस्माको प|ेम छनौट गर्नु उचित हुन्छ । विशेषगरी नाकको बनावट र मुहारको विशेषतालाई ध्यान दिनुपर्छ ।

मुहारको आकृतिअनुसार

ओभल फेस ः सौन्दर्यको दृष्टिले अण्डाकार मुहारलाई सुन्दरताको प्रतीक मानिन्छ । यस्तो मुहारमा हरेक प्रकारको प|ेम सुहाउँदो हुन्छ । रेक्टेंगुलर अर्थात् आयताकार प|ेम र सफ्ट किनारा भएका सनग्लासले यस्ता मुहारको आकर्षण अझ बढाउँछ । यद्यपि सनग्लास खरदि गर्दा तिनको चौडाइ आफ्नो मुहारसित मेल खाओस् भन्ने कुरामा ध्यान पुर्‍याउनुपर्छ अर्थात् चस्माको आकार ठूलो हुनुहुँदैन र यसले आँखीभौंलाई समेत छोप्नुहुँदैन । यस्ता सनग्लासले मुहारको सुन्दरता घटाउँछन् ।

राउन्ड फेस ः यसप्रकारको मुहारलाई एंगुलर प|ेम उपयुक्त हुन्छ । आयताकार एवं अण्डाकार प|ेम पनि लगाउन सकिन्छ । सानो, गोलो वा अत्यन्त ठूलो प|ेमयुक्त चस्मा भने राउन्ड फेसका लागि सुहाउँदैन किनभने यसप्रकारको प|ेमका कारण मुहार अझ गोलो देखिन्छ ।

स्क्वायर फेस ः अण्डाकार वा गोलो प|ेमयुक्त चस्माले स्क्वायर फेसलाई सफ्ट लुक प्रदान गर्छ । यदि निधार, चीक बोन र चिउँडो अलि ठूलो छ भने स्लोपिङ एंगलयुक्त अण्डाकार प|ेम उपयुक्त हुन्छ ।

रेक्टेंगुलर फेस ः गोलो र गहिरो प|ेम यस्ता मुहारलाई उपयुक्त मानिन्छ । धेरै ठूलो प|ेम लगाउनु उचित हुँदैन । हल्का उठेका लेन्सयुक्त ग्लेयर्समा मुहार केही हदसम्म ब्यालेन्स देखिन्छ ।

डायमन्ड फेस ः चौडा र हाइ चिकबोन्स, सानो निधार तथा चिउँडो यस्तो मुखाकृतिको विशेषता हो । यस्तो मुखाकृतिमा ओभल सनग्लास उपयुक्त हुन्छ । हल्का कर्भ स्क्वायर तथा रमिलेस प|ेस पनि यस्ता मुखाकृतिलाई उत्तिकै सुहाउँदो हुन्छ ।

अब्लङ फेस ः मुहारको लम्बाइ चौडाइभन्दा बढी हुने भएकाले यस्ता मुखाकृति लाम्चो आकारको हुन्छन् । यस्ता व्यक्तिले प|ेम छनौट गर्दा यसले मुहारको मध्यभागलाई बढीभन्दा बढी ढाकोस् भन्ने कुरामा ध्यान पुर्‍याउनुपर्छ जसले गर्दा मुहारको लम्बाइ ब्यालेन्समा आउँछ । अतः चौडा र ठूलो प|ेमयुक्त ओबल एवं स्क्वायर सेप सुहाउँदो हुन्छ ।

ट्रयांग्युलर फेस ः ठूलो निधार, सानो मुख र चिउँडोले यस्ता मुखाकृतिलाई चिनाउँछन् । मसिनो रमि र भर्टिकल लाइनले मुहारको तल्लो भागलाई ब्यालेन्स गर्न मद्दत गर्छ । यसमा रमिलेस मेटल प|ेमको प्रयोग उपयुक्त हुन्छ । त्यसैगरी रमिलेस हेक्जागोनल प|ेम यस्ता मुखाकृतिमा सुहाउँदो हुन्छ । मूलतः ठूलो प|ेम, हेभी नोज बि्रज, बोल्ड कलर तथा स्क्वायर सेपको प|ेमबाट भने बच्नुपर्छ ।

सनग्लास चयन गर्दा मुहारको आकारका अतिरत्ति अन्य कुरामा पनि ध्यान पुर्‍याउनुपर्छ ।

यदि दुवै आँखा धेरै नजिक छन् भने ठूलो प|ेम भएको चस्मा लगाउनुहुँदैन । यसबाट आँखाको दोष अझ स्पष्ट हुन्छ ।

यदि नाक लामो छ भने हाइ बि्रजयुक्त प|ेम उपयुक्त हुँदैन । यसले नाक अझ ठूलो प्रतित हुन्छ । डबल बि्रजयुक्त चस्मा प्रयोग गर्न सकिन्छ ।

नाकको आकार सानो छ भने हाइ बि्रजयुक्त लाइट कलरको चस्मा प्रयोग गर्नु राम्रो हुन्छ ।

प|ेमको टपबार तथा आइब्रोको सन्तुलन मिल्दो होस् भन्ने कुरामा ध्यान दिनुपर्छ ।

ल चस्माको प|ेमले गालालाई स्पर्श नगरोस् भनेर विचार पुर्‍याउनुपर्छ ।

प|ेमको कलर सेलेक्सन

ब्ल्याक र ब्राउन कलरका प|ेम पपुलर देखिन्छन् । यद्यपि एलो, हट रेड, अरेन्ज, कोबाल्ट ब्लूको प्रचलन पनि उत्तिकै देख्न पाइन्छ । प|ेमको कलर पहिरनको रंगसित म्याच गर्ने वा कन्ट्रास्ट हुने कुरामा निर्भर हुनुका साथै व्यक्तित्वको कुनै पक्षलाई उजागर गर्ने भन्ने उद्देश्यमा पनि भर पर्छ । व्यक्तिको वर्ण र केशको रंग सुहाउँदो पनि प|ेमको कलर निर्धारण गर्न सकिन्छ । जस्तै- मोटो ब्ल्याक प|ेमले स्यालो स्किन अझ कालो प्रतित हुन्छ तर ब्ल्याक कम्प्लेक्सनमा मेटालिक प|ेम बढी सुहाउँदो हुन्छ । ब्रोन्स सौन्दर्य एवं ओलाइभ स्किन ब्राउन, खाकी, गि्रन, पिच, क्रिम, गोल्डसित बढी सुहाउँछ । यद्यपि ब्ल्याक र भारी प|ेम भने त्यति सुहाउँदैन । पेल कम्प्लेक्सनमा भने सिल्भरका साथै ब्ल्याक, ब्लू, रेड, प्लम, ग्रे,

एम्बर जस्ता सेड्सहरू आकर्षक देखिन्छन् ।

हेयर स्टाइलअनुसार

सफ्ट एन्ड कर्ली हेयरका लागि रमिलेस सेमी ट्रान्स्परेन्ट कलर्सका प|ेम बढी उपयुक्त हुन्छन् । साथै डेलिकेट सेप र ट्रान्स्लुसेन्ट कलर सेड्स पनि उत्तिकै सुहाउँछ ।

धेरै कर्ली हेयरमा भने क्लासिक एवं सानो प|ेम प्रयोग गर्नु उचित हुन्छ ।

सर्ट हेयरका लागि ब्लू कलरको प|ेम बढी उपयुक्त हुन्छ । जियोमेटि्रक एवं राउन्ड प|ेम पनि उत्तिकै सुहाउँछ । अत्यन्त सर्ट हेयरका लागि भने बोल्ड कलर एवं डेकोरेटिभ स्टाइल उचित हुन्छ । लामो केशमा भने कुनै पनि कलरको प|ेम प्रयोग गर्न सकिन्छ ।

प|ेमजस्तै सनग्लास छनौटमा त्यसमा प्रयोग गरएिको लेन्स र त्यसको क्वालिटीले पनि उत्तिकै महत्त्व राख्छ । हिजोआज प्लास्टिक एवं सिसा दुवै खालका लेन्स प्रचलनमा रहेको पाइन्छ । यद्यपि दुवैबाट सफा र स्पष्ट रूपमा देख्न सकिन्छ र पनि प्लास्टिक लेन्स हल्का एवं आरामदायक हुने भएकाले बढी प्रचलनमा देखिन्छ । लेन्सको रंग चयनमा सतर्कता अपनाउनुपर्छ । आँखालाई शीतलता एवं कोमलताको अनुभूति दिलाउने एवं अत्यधिक प्रकाशबाट जोगाउने लेन्स छनौट गर्नु राम्रो हुन्छ । हिजोआज डेक रोयल ४०, ग्रे टोन, खरानी, हरयिो एवं स्मोक कलर बढी प्रचलनमा पाइन्छ । यद्यपि मुहारको स्किन टोनसित यसको सामन्जस्यता मिलाउनु आवश्यक हुन्छ । न्युट्रल ग्रेस लेन्स सबैभन्दा उपयुक्त मानिन्छ ।

अनुहारमा सुन्दरता प्रदान गर्ने रंगमध्ये एक नीलो रंगको लेन्स बादल लागेको दिनमा र साँझपख प्रयोग गर्नु उपयुक्त मानिन्छ । नीलो लेन्सले आँखाले स्पष्ट पहिल्याउन नसक्ने वस्तु, विशेषगरी अन्यौल सिर्जना गर्ने वस्तुलाई स्पष्ट रूपमा देख्न मद्दत गर्छ । फुस्रो रंगको लेन्स अत्यन्त गाढा तथा प्रकाशयुक्त वस्तु हेर्न बढी उपयुक्त हुन्छ । यसैगरी गाढा हरयिो रंगको लेन्सले कुनै पनि रंगलाई स्पष्ट रूपमा हेर्न मद्दत गर्छ । हल्का हरयिो रंगको लेन्स भएको चस्मा भने क्लब, भोज, डिस्को आदिमा प्रयोग गर्नु उपयुक्त हुन्छ । गुलाबी रंगको लेन्स भएको चस्मालाई बादल लागेको दिन मात्र प्रयोग गर्नु उचित हुन्छ भने विभिन्न वस्तुबीचको फरकलाई स्पष्ट देखाउने भएकाले राति सवारीसाधन चलाउनेहरूका लागि पहेंलो रंगको लेन्स उपयोगी हुन्छ ।